भावकीतील वाद व शेजारच्यांचे मनसुबे

 भावकीतील वाद व शेजारच्यांचे मनसुबे

एका गावात एक जमीनदार राहत होता. त्याची खूप जमीन होती.त्यात पीक चांगले येई. त्याच्या शेजारी काही दुसरे मध्यम वर्गातले लोक राहत ज्यांना त्याची काहीना काही गरज पडत असे. व तोही मोठ्या भावाप्रमाणे मदत करी.

पण त्या लोकांना त्याचे एकत्र कुटुंब खटकत असे. त्यांनी त्याच्या लहान भावंडाना काही बाही सांगून भांडणे लावून त्यांचे घर फोडले. व घराची वाटणी करावी लागली.

 मोठ्या भावाला वाईट वाटले. त्याची लहान भावंडे शेजाऱ्यांचे ऐकून आपल्याच मोठ्या भावा बरोबर भांडू लागली. मोठा भाऊ लहान म्हणून दुर्लक्ष करी.

त्या गावात दुसरा एक जमीनदार राहत होता. त्याला यांची जमीन हवी होती. म्हणून तो भावा भावात षडयंत्र करून भांडणे लावी. व आपला फायदा बघत असे. त्यासाठी त्याच्या शेजार्याना काही ना काही मदत करी व चाड्या सांगून झुंजवी.

एक दिवस रस्त्याच्या वाटेवरून  भावाभावात भांडणे झाली.शेजारी भांडणात आणखी भडकावू लागले. तेव्हा मोठ्या भावाने या शेजाऱ्यांच्या डाव ओळखला. व त्याने आपल्या भावासकट सर्वांची नाकेबंदी केली.

कुणाची वाट आडव कुणाच्यात जाणार्या पाण्याची वाट बदल असे उद्योग सुरू केले. काही उधार माल नेत.त्यांची उधारी बंद केली.यामुळे सगळ्यांची पंचाईत झाली.

सगळे दुसऱ्या जमिनदाराकडे गेले. त्याने फक्त सल्ला दिला की एकी करा व लढा. व इतर मदत द्यायचे टाळले.

त्यानी एकी करून थोरल्या जमीनदाराची नाकाबंदी सुरू केली. तेव्हा त्याने पर्यायी मार्ग शोधले.

त्याने एका मित्राला असेच हे शेजारी त्रास देत होते. तेव्हा मदत केली होती. व मोठ्या संकटातून वाचवले.

त्याकडे मदत मागितली व तो मदत करू लागला. जिथे शेजारी वाट अडवत. तो मित्र पर्यायी मार्ग देऊ लागला. त्यामुळे थोरल्या जमीनदाराचं काहीच अडेना.

शेजार्यांनी मग मदत करणाऱ्या मित्राला धमकावण्यास सुरू केले. तेव्हा त्याने यांच्या तक्रारींकडे दुर्लक्ष केले. व मदत सुरू ठेवली.

तेंव्हा शेजाऱ्याने मित्राची आडवनुक सुरू केली. तेव्हा त्यांची पण अडवणूक होणार हे शेजाऱ्यांच्या बायकांनी ओळखले. कारण त्या सगळ्या शेणी थापायला मित्राच्या रानात जात. व त्याच्या वावरातून पर्यायी मार्ग असलेने त्यांची अडवणूक करण्याची धमकी त्याने आपल्या गड्याकरवी पसरवली. त्यामूळे ते  सर्व् गप्प  झाले.

 त्यामुळे त्याची अडवणूक करणे जमेना. व एक होऊन भांडणे लावणारा दुसरा जमीनदाराचंही काही चालेना.

शेवटी शेजार्यांना शरण यावे लागले. व जमीनदाराची माफी मागून त्यांच्या घरगुती भांडणात न पडण्याचे त्यांनी ठरवले..

पण जमीनदाराने पण यावर विश्वास न ठेवता आपले अस्तित्व वाढवायला सूरवात केली.

तात्पर्य : 

• मोठा जमीनदार म्हणजे रशियन सोव्हिएत गणराज्य.
• त्यातून विभक्त झालेली मुले म्हणजे रशिया व युक्रेन.
• त्यात भांडणे लावणारे शेजारी म्हणजे नाटो देश.
• दुसरा जमीनदार आहे अमेरिका
• मदत करणारा व दबावाला न जुमानत स्वतंत्र अस्तित्व जपणारा देश भारत.

आपण यातून असे शिकावे की घरातील भांडणे घरात मिटवावित. व दुसऱ्याला गैर फायदा घेऊ देऊ नये.कारण संकटात आपले कोणी नसते. व तुमची गत युक्रेन सारखी होणार नाही मग.

लेखक -  निशिकांत हारुगले