हास्य कट्टा
देवाला वशिला
एकदा एक जोडपे आपल्या मुलीला घेऊन देवाला गेले होते. दर्शन घेतल्यावर नवरा जरा बाजूला कठड्यावर बसला.
बायको देवळाला फेऱ्या मारू लागली. मुलीने आईच्या मागोमाग फेऱ्या मारताना विचारले,
“आई फेऱ्या का मारतेस.”
आई : “तुझे बाबा माझ्या मुठीत राहावेत म्हणून फेऱ्या मारतेय.”
एक फेरी मारल्यावर मुलगी बाबा जवळ जाऊन बसते.
बाबा विचारतात : “बाळ आई काय करतेय.”
मुलगी, “तुम्ही तिच्या मुठीत रहावं म्हणून देवाला वशिला लावतेय.”
बाबा लगेच देवळाला उलट्या फेऱ्या मारू लागतात.
तेव्हा मुलगी म्हणते, “ बाबा तुम्ही उलट्या का फेऱ्या मारताय.”
बाबा : “काय नाही बाळ देव तुझ्या आईची इच्छा पूर्ण करू नये म्हणून मी पण वशिला लावतोय.”
मुलगी : “ अरेरे बिचाऱ्या देवाचे हालच की कुणाचं ऐकायचं तेनं.”
- निशिकांत हारुगले.
